شاهن شاهه جو مقام

شاهن شاهه جو مقام: هيءُ قبرستان ڳوٺ موندر، تعلقي دادو جي اوڀر ۾ "20'48°28 اتر ڊگهائي ڦاڪ ۽ "49'48°67 اوڀر ويڪرائي ڦاڪ تي واقع آهي، جنهن بزرگ جي نالي پٺيان مقام تي ‘شاهن شاهه’ نالو پيو، ان جي مزار پڻ هن ئي قبرستان ۾ آهي. سندس مزار هڪ چؤڪنڊي ڪمري ۾ آهي، جيڪي سادين ۽ پڪين سرن جي ٺهيل آهي. مزار جي مهڙ ۾ گول ونگائون لنگهه ۽ ان ۾ ڪاٺ جو دروازو آهي. دروازي جي ٻنهي پاسن کان هڪ هڪ ڊگهي دري پڻ ٺهيل آهي. مزار مٿان ڪو به گنبذ اڏيل ڪونهي. مقامي ماڻهو هن مزار تي اچي حاضري ڀريندا ۽ مرادون باسيندا آهن. هن مقبري ۾ دفن ٿيل بزرگ بابت ڪا معلومات ڪانه ٿي ملي ٿي.

قبرستان - ڀاڱي جون ٻِيون داخلائون